excellens hommes de nostre Europe[1], à sçavoir le Cardinal Sirlet *, Paul de Foix[2] *. Guy du Faur, sieur de Pybrac *, Charles Sigon *. M. Antoine de Muret *, et Pierre Victor *, et qui semblent, jaloux de nostre siècle, ou pluslost effrayez de noz malheurs, avoir voulu s’eclypser de nous pour nous laisser en tenebres[3] *. L’on a remarqué souvent des presages avoir devancé la mort des grans et illustres personnages, comme il est advenu en celle de Ronsard, car[4] un an auparavant son decez ne sçay quel Poëtastre, plus mal presageux[5] que les corbeaux et hiboux, fit imprimer un livret qu’il intituloit, les[6] Epitaphes, mort et dernieres paroles de Pierre de Ronsard. Cela fut veu et sceu de tout le monde, qui creut quelque temps que Ronsard estoit mort, non sans grand regret, encor que cette nouvelle fut decouverte aussi tost estre faulse, aussi bien que les vers[7] que ce corbeau vouloit attribuer à ce Cygne *. Quand on raconta cette nouvelle à Ronsard, il ne s’en fit que rire, s’esbahissant[8] toutefois comme | nostre siecle pouvoit porter des espris si miserables : [26] et me souvient qu’il medit[9] un jour à ce propos, au dernier voyage par luy fait à Paris[10], qu’il ne se faloit esbahir si ces esprits naiz en despit de Minerve[11] le faisoient mourir quand ils vouloient, veu que par leurs contagieux escris ils faisoient mourir la pureté de nostre langue, et de la Poësie. Cette mort feinte fut neantmoins estimée de mauvais augure, et voicy un Epigrame que Jan Dorat fit[12] quand il sceut la verité :
- ↑ C de l’Europe
- ↑ C Paul de Foix, A. Ferrier *
- ↑ BC et qui semblent, ennuyez de nostre siecle, ou plustost effrayez de nos futurs
malheurs, avoir voulu s’eclipser de nous, pour nous laisser sans regret en nos
regrets et tenebres. Ce que le mesme Sieur de Pybrac semble avoir preveu, lors
qu’il dit :
Quan tu verras que Dieu au ciel retire
A coup à coup les hommes vertueux,
Dy hardiment, l’orage impetueux
Viendra bien tost esbranler cest Empire *.C’est tout ainsi que celuy qui [C Faisant comme celuy qui] voyant que le feu voisin doit bien tost envahir sa maison, retire [C en retire] et sauve ses meubles plus precieux.
- ↑ B de Ronsard. Car | C de Ronsard : car
- ↑ BC un an auparavant son trespas, ne sçay quel Poëtastre, plus mal presagieux
- ↑ B qu’il intituloit, Les | C dont le titre portoit, Les
- ↑ C encor’ que ceste nouvelle fust descouverte bien tost estre faulse, comme les vers
- ↑ A que rire s’esbahissant
- ↑ BC qu’il me dist
- ↑ C au dernier voyage qu’il fit à Paris
- ↑ BC esbahir, si ces esprits naiz en despit des Muses
- ↑ C un Epigramme que Jean Dorat en fit
