Page:Borel - Tresor de recherches, 1655, Archives.djvu/41

La bibliothèque libre.
Cette page a été validée par deux contributeurs.
PREFACE.

personnes ; c’est pourquoy ils tascherent à découurir quelque moyen de mettre en écrit & arrester leur science, afin que rien ne fust mis en oubly. Ce qu’ils trouuerent, quoy qu’auec beaucoup de peine (& les Egyptiens se donnent cette gloire ; à cause dequoy l’Egypte est appellée la mère des Dieux & des Arts ; c’est à dire des hommes qui les ont inuentez) non tout à coup par des lettres, mais par des hiéroglyphes ou figures d’animaux, de plantes & autres choses, par la diuerse situation desquelles ils exprimoient ce qu’ils vouloient. C’est pourquoy Lucrece dit,

Nondum flumineas Memphis contexere Biblos
Nouerat, & saxis, tantum uolucresque færeque,
Sculptaque seruabant magicas animalia linguas.

Nous en voyons encore quelques restes sur les pyramides & obelisques des Egyptiens, tant en celles qui restent encore au bout du Golphe Arabique prés du grand Caire, qui sont vne des merueilles du Monde, qu’en celles que les Empereurs Romains firent transporter d’Egypte à Rome, où on les void encore, toutes d’vne pièce de marbre, & enrichies de très-belles figures mystiques, c’est à dire dont les seuls Rois & Prestres se seruoient pour écrire les secrets de la Naturel autres, dont ils ne vouloient pas diuulguer la connoissance. Kircker en a donné l’explication au Liure qu’il en a fait, Ouurage à la verité tres-digne de loüange, puis qu’il a trouué le moyen d’entendre non seulement les obelisques, mais les figures qu’il a


d iij