Bretaigne. Et eſt bien vray ſemblable que ſi ilz y euſſent eſte, la beſongne ne ſe fut pas ainſi portee a lauantaige de meſſire Camille ne au dommaige & deſhonneur des Senois de Gaulle comme elle fiſt & pour ce fault il inſerer & conclure de neceſſite, combien que es affaires deſſuſdites les Senoys fuſſent en plus grant nombre, que ce non obſtant la nacion bretannicque doit participer premierement & principallement a la gloire & louenge dicelle victoire quelque choſe quil ait pleu aux hiſtoriographes en auoir redige ou obmis a rediger par eſcript.
De Alexandre le Grant & de pluſieurs grans notables hommes qui furent lors.
lexandre le Grant naſquiſt lors, &
recitent Iuſtin & Quinte Curſe, que le
iour quil naſquiſt deux anges ſe arreſterent
ſur ſa maifon ou il naſquiſt
qui luy predeſtinerent deux empires : lune de
Europe & lautre dAfie. Et fut enuiron trois cens
quatre vingtz ans deuant lincarnacion. Lors
treſpaſſa Platon : fut lan xxi du regne de Ochus
roy de Perſe. Apres Platon fut Apeleius ſon
diſciple & apres luy Hermès Trimegiſtus.
Comment le roy Belinus fiſt edifier Londres.
près que Bellinus & ſes Bretons furent
retournez victorieux au royaulme de
Bretaigne, Belinus y fift baſtir & conſtruire
villes, citez, chaſteaulx & fortereſſes,
& entre aultres places fiſt ediffier en
la cite de Troye neuſue, que pour le preſent
lon appelle Londres, laquelle fut commencee
par Brutus, vne tour voultee de merueilleuſe
artifice, car elle eſt aſſiſe ſur la riuiere de la
Tamiſe & par deſſoubz la voulte de la tour
paſſent toutes les nefz & nauires qui en la Tamiſe
entrent dedens Londres : & tantoſt après
que cette tour fut paracheuee le roy Belinus
treſpaſſa tout plain de iours & de bonne renommée.
Comment Hibernye fut habitee de gens des Eſpaignes & des roys de Bretaigne qui ont regne en Bretaigne depuis Belinus.
aptruch filz de Belinus fut roy de
Bretaigne apres ſon pere & dit on
quil peupla en ſon temps Ybernie
de pluſieurs hommes & femmes dont
trente groſſes nefz eſtoient chargees & les conduiſoient
Pharcon & Panthaleon lefquelz auoient
eſte dechaſſez des Efpaignes, & par long temps
auoient erre & vague par la mer cerchans quelque
terre conuenable ou ilz peuſſent habiter, & ainſy
que le roy Baptruch ſen retournait dvne conqueſte
quil auoit faicte contre le roy de Dace, il
rencontra ces trente nefz chargées dEfpaignolz
& apres quilz luy eurent remonſtre leur neceſſite
il les fiſt venir en Ybernie que lon appelle
a preſent Yrlande & leur bailla celuy pays qui
lors eſtoit inhabite : lequel ilz ont depuis tellement
peuple, que encores y eſt a prefent leur
poſterite. Apres treſpaſſa Baptruch roy de Bretaigne
& luy ſucceda au royaulme ſon filz Guetelin
qui regna par quelque temps. Au roy
Guetelin filz de Baptruch, qui eſpouſa la royne
Marciane, ſucceda ſon filz Sicilius. Et pour ce
quil eſtoit moult ieune quant ſon pere treſpaſſa,
ſa mère la royne Marciane gouuerna le royaulme
par vng temps. Ceſte royne Marquete ou Marciane
eſtoit toute plaine de lettres, de prudence
& de ſciences elle compoſa en Bretaigne du
conſentement
du peuple vne loy que lon appelle
la Marciane laquelle loy lon y obſerue
encores a preſent. Quant ſon filz Sicilius fut
en eage ſa mere luy laiſſa tout le gouuernement
de ſon royaulme. Le roy Sicilius eut deux filz
qui furent lvng après lautre roys depuis le
treſpas de leur pere. Lun fut Rimacius qui treſpaſſa ſans enfans & lautre Daucrius qui apres
la mort de ſon frere fut roy.
Le roy Daucrius neuſt point denfans legitimes, mais dune concubine quil entretenoit il eut vng filz qui fut nomme Morind lequel fut par ſon pere couronne roy de Bretaigne & poſſeda le royaulme apres la mort de ſon pere.
Le roy Morind eſtoit cruel quant a leffuſion