du ſang humain, ce luy eſtoit tout vng tuer vng homme ou vne beſte brutte. Il fiſt par ſa curioſite plufieurs cruelz homicides & mourut miſerablement en la manière qui ſenſuit : le roy Morindus fut aduerty que en Hybernie y auoit vng orrible monſtre de mer qui tranſgloutiſſoit hommes & beſtes ce roy Morind le voulut combatre dont mal luy print, car le monftre le deuora.
Du roy Morind yſſirent cinq filz. Ceſtaſſauoir Corbanus, Atthagalus, Elidurc, Digenus & Perdinus. Les troys premiers furent ſucceſſiuement roys de Bretaigne mais les deux derniers traitèrent mal leur tiers frere Elidure : car ilz luy firent la guerre & en bataille le prindrent & le dctindrcnt longuement priſonnier en Troye neuſue & departirent par entre eulx le royaulme de Bretaigne par moitie, & y regnerent par quelque temps & puis moururent & apres leur mort les princes & ſeigneurs de Bretaigne tirèrent Elidure hors de prifon, & le remiſdrent en ſa royalle maieſte, & regna depuis longuement.
Apres la mort du roy Elidure ſon filz Corbanus fut roy de Bretaigne, & fut le deuxieſme de ce nom. Corbanus mourut ſans enfans & apres ſa mort les Bretons recouurirent vng prince nomme Marganus qui eſtoit filz dArthagalus deuxieſme filz du roy Morindus cy deuant nomme lequel Marganus ſen eſtoit fuy pour la crainte de ſes oncles qui ia eſtoient en auctorite. & fut celuy Marganus couronne roy de Bretaigne. Il auoit vng frere nomme Emanius lequel fut roy après la mort dudit Marganus.
Le roy Emanius fut vicieux & adonne a touz crimes. A celle cauſe les princes de Bretaigne le deſtituerent du royaulme de Bretaigne & couronnerent roy vng ſien couſin germain nomme Iudual qui eſtoit filz du roy Diocenus. Le roy Iudual fut bon iuſticier, & regna paiſſiblement. Apres ſa mort fut couronne Rymo qui fut filz de Perdinus dernier filz du roy Morind cy deuant nomme. Et après la mort de Rymo ſon frere Geroncius fut couronne roy de Bretaigne & de Geroncius fut filz Catellus lequel ſemblablement fut roy. Et a Catellus ſucceda ſon filz Corlus. De Corlus yſſit Porrex lequel fut ſemblablement roy de Bretaigne deuxieſme de ce nom. Apres Porrex fut fort filz Cherin roy.
Des lxx Interpretes qui tranſlaterent la ſaincte Eſcripture de hebrieu en grec.
En ce temps qui fut lan iii c & viii de la cinquieſme eage regnoit en Alexandrie chef du royaulme d Egypte Ptolomee Philadelphe lequel ſelon Eufebe & Bede permiſt que les Iuifz fuſſent reſidens en franchiſe & liberte en Egypte. A ſa priere & requeſte Eleazar grant eueſque des Iuifz enuoya en Egypte de chaſcune des xii lignees dIſrael vi prudens hommes, qui ſe montent en nombre lxxii, pour interpréter la ſaincte Eſcripture, & icelle tranſlater de hebreu en grec. Et quant ilz furent en Alexandrie fut a chacun baille vne chambre a part en lhoſtel du roy pres de la mer, & en lxxii iours parfirent ceſte tranſlation par tres grande concorde que lon tient choſe miraculeuſe comme recite ſainft Auguſtin au xviiie liure de la cite de Dieu. Et combien quilz fuſſent enuoiez de chaſcune lignee vi hommes qui feroient lxxii, touteffoiz lon nen nombre que lxx, car ceſt la couſtume de la ſaincte Eſcripture de laiſſer le petit nombre qui vient apres le grant. Ptolomee miſt en ſa librairie les tranſlacion & interpretacion deſſuſdictes.
Comment Caſſibeſſanus fut eſleu roy de Bretaigne par les nobles du pays.
Le roy Cherin eut troys filz, lun fut Fulgcncius, le ſecond Edalad & le iiie Andrageus, lefquclz furent les vngs apres les autres roys de Bretaigne. Apres la mort de Andragcus regnerent en Bretaigne les roys cy après nommez lun après la mort de lautre : Urianus, Elus, Clodencus, Cleotenus Gurgucius, Merianus, Belicondo, Capis, Oncus, Sicilinus, Beligabreth, Archa, Edolrediou, Roderchius, Samel, Pirrus, Sapor,
