d’humilité ; autant de mots qu’il apprend ce luy ſont autant de threſors qu’il amaſſe, autant de deſpoüilles qu’il enleue ſur l’ennemy commun du genre humain ; de ſorte qu’il auroit ſuiet de dire cent fois le iour, Laetabor ſuper eloquia tua tanquam qui inuenit ſpolia multa. Pour ceſte conſideration les viſites des Sauuages, quoy que frequentes, ne luy peuuent eſtre importunes ; Dieu luy apprend ceſte belle leçon qu’il fit autrefois à Saincte Catherine de Sienne, de luy faire vn cabinet ou vn temple de ſon cœur, ou il ne manque iamais de le trouuer toutes & quantesfois qu’il s’y retire : que s’il y rencontre des Sauuages, ils ne luy apportent aucun trouble dans ſes prieres, ils ne ſeruent qu’à les rendre plus feruentes ; il prend de là occaſion de preſenter ces pauures miſerables à ceſte ſouueraine Bonté, & la ſupplier inſtamment pour leur conuerſion.
Il eſt certain que nous n’auons point icy cet appareil exterieur, qui reueille & entretient la deuotion. Nous n’y voyons proprement que le ſubſtantiel de noſtre Religion, le ſainct Sacrement de l’Autel, où il faut que noſtre Foy ouure les yeux ſur ſes merueilles, ſans y eſtre aidée d’aucune marque ſenſible de ſa grandeur, non plus que les
