Page:Brunet - Evangiles Apocryphes, 1863.djvu/61

Am los Juxieus s’asolassava…
Ar auzires que anet faire
L’enfant Jhesus, franc, de bon aire,
Un bon mati secretamen…
De Nostra Doua se panet
A l’escola maior anet,
Ont ac doctors e clerx honratz,
Nobles et rics et apoderatz
Et ancian en teuletgia,
En logica, en gromaheia
Et en ganrn d’autra sciencia,
L’enfant Jhesus, senes temensa,
Denant los maistres s’en vene…
A els se pres a desputar.
L’effans lur moc grans questies…
Totz se van fort meravilhar…
Neguns respondre no sabia,
Et ero maistre en theuleigia !
Demantenen totz s'en aneron ;
Cant viro que aquel enfant
Era tan jove, e sabia tant…
Apres aisso pueis s'endevene
L'effan Jhesus demantenent
S'en anet en la tencharia,
So fon entre tereia e mieg dia.
L'effan Jhesus secretamen…
S'en intret en. i. obrador,
Tot lo plus ric e'l plus melhor,
Que ac gran re de nobles draps
Que non eron apparellhatz…
E'l maistre de la tencharia
Anet dir a sa companhia :
« Joves homes, hueymais es temps
Que no'n anem tratotz essems
Espertamen cascu dinar ;
Tan tost pessem del retornar,
Car nos avem gran re a faire
Per qu'ieu vos prec, non estes gaire.
Totz respondero : "Fag sera ;
Cant serem disnatz, caseu venra."
Trastug essem s'en van anar »