Page:Brunet - Evangiles Apocryphes, 1863.djvu/62

Vas lur hostal cascu dinnar…
E, cant s'en foron totz anatz ,
L'effan Jhesus, qu'era remas,
Per l'obrador el s'en anet,
E totz los draps qu'el atrobet
Que devian csser blans e vertz,
Gruexs, ferries o persetz vermelhs,
E trop ganre mais d'autres draps,
Brunetas et escarlatas,
L'effant Jhesus totz los mesclet,
Dedins lo perol los getet…
En l'obrador anet trobar
Grana e roga e brezilh,
Indi et alun atressi.
Pastel et fustet issamen ;
E l'effan Jhesus mantenen
Totas las tenchas a mescladas
Sus los draps el pairol getadas…
Aissi com del obrador issia
Un d'aquels de la tencheria
Que era vengutz de dinnar,
A la porta vay encontrar…
E tan tost lo maistre venc
E totz lo escolas issamen……
Dis lo maistre; « Que son fatz
» Los draps c'avian aissi laissatz?
Lo massip tencheire vai dir
» A la porta vau encontrar
» Aquel effan, sel de Maria,
» Que d'aquest obrado issia
» Et ieu tan tost vau li sonar……
» Digas, effan, d'on venes vos ?
» Et anc el no m sonet mot…»
Respon lo maistre tencheire :
« Per cert, aisso no fon a creire...
E pariet i. dels escolas :
« Maistre, vos sia certas,
» Aquel effan, vos dic per sert,
» Que fai tôt jorn d'aitals esquerns…»
Tota la tencheria serqueron,
Los draps e las tenchas troberon ;
Tot fon cremat dins lo pairol…