funct André Gasnier, lequel, le jour Sainct Pierre de Juin, épousa la fille de défunct Loys Denys, nommée Didière. Et tout ce que dessus certifie estre vray, tesmoin mon sing manuel cy mys, par ce que je assisté à une partie des dictes choses, l’autre partie estoit notoire à tout le monde.
L’an que desus, mil cinq cens soixante et deux, le douzièsme jour de Juillet. M. de Foy[1]
- ↑ On peut rapprocher de ce document la pièce suivante :
Comissions de par le capitaine Coulaine.Nous Charles de Cram, seigneur de Coullaines, gouverneur et lieutenant pour le Roy à Chinon soubz monseigneur le prince de Condé, et après avoir esté adverty qu’il y a plusieurs reliques, croix, callices, platances et aultres estouffes d’or et d’argent qui ont estez cy devant mis par Inventaires es paroisses du ressort et élection de Chinon, et affin qu’ilz soient mis en surté et non expostés au pillage, mandons au premier sergent royal ou aultre sur ce requis, faire commendemens aux procureurs et aultres desdites paroisses qui ont en garde et en leur possession lesdites reliques, de venir par devers nous incontinent, et nous apporter touttes lesdites reliques d’or et d’argent et aultres auxquels l’inventaire qui cy devant en a esté faict, et ce sur peine de la vie. Donné à Chinon, par nous gouverneur et lieutenant susdit, le XXIXe jour de may mil cinq cens soixante deux.
Charles de Cram(Original, papier ; Bibl. nat. ; fr. 3189, f° 56.)
