Et va ferir Baiart parmi le chief amont.
Agenoillier le fait ou il vossist ou non.
[Tot l’orgueil en abat dans Maugis le baron].[1]
[L]e frain li mist el chief, sans nul arestison,[2]
[L]a sele sor le dos, dont bon sunt li arçon,
[Le poitral li ferma devers le chief amont].[3]
[A]preis s’arma Maugis vistement, com preudom,
[Et pendi à son col .i. escu à lion],[4]
[Et] prist sa grosse lance à tot le confanon,
[Et] monta sor Baiart, ainc n’i bailla arçon.
[C]om il fu à cheval, bien resembla baron ;
[N’]ot plus bel chevalier jusqu’en Carfanaon,
[Ne n’ot en nulle terre nul plus mestre larron.[5]
Forment fu preus Maugis, molt i ot bon baron] ;
[T]el josteor de lance n’avoit-il ens el mont,
[D]e Montauban issi par la porte Foucon,
[O] lui de chevaliers et planté et foison.
[B]ien furent .xv. mile as ars turcois qu’il ont,
[Qu]i por paor de mort jamais ne se fauront.[6]
[D]urement chevalcherent à force et à bandon ;
[Le bois de la Serpente trespassent li baron][7]
[Et] regretent forment Renaut le fil Aymon.
« [A]hi ! tant mar i fustes, gentius nus à baron !
[D]ame Dex, nostres peres, qui sofri passion,
[G]arisse vostre cors de mort et de prison ! »
[L]ors chevalchent ensamble par grant aïroison.
[S’]or ne s’i gardent Franc, il auront tel puison
Dont maint bons chevaliers videra son arçon.
Or lairons de Maugis ki maine le secors ;
Si dirom de Renaut le nobile baron,
- ↑ 7650 Vers rogné par le relieur, donné d’aprés B C M Metz. On note que Bayard, le destrier faé, ne connaît pas Maugis : il appartient en propre à Renaud.
- ↑ 7651 Les initiales d’une suite de vers sont rognées par le relieur.
- ↑ 7653 Sic M. B frema devant le pis reont. Manque à L.
- ↑ 7655 Sic M B. Manque à L.
- ↑ 7660-7661 Sic M B. Manque à L.
- ↑ 7666 M mie ne li faudront.
- ↑ 7668 Pris de M B, manque à L.
