Quant le roi l’a veü, si a dit sa reson.
« Dus Aymon, dist le roi, moult par estez prodom.
Je vous aim loialment, de verté le dison.
Je donrai vos fix moult bele pension.
Je feroi senescal de Renaut le baron,
Aalart et Guichart porteront le dragon,
Et Richart portera mon estourin faucon. »
« Sire, chen dist li dus, vostre quemant feron.
Mez de tant mespreïstez, emperere frans hon,
Qu’en vostre conduit fu mort [dus] Buef d’Aigremon.
Sachiez que il m’en poise, emperere frans hom.
Se ne vous doutisson, venjance en preïsson.
Mez dant Girart mon frere et le bon duc Doon
Le vous ont pardonné, par le cors .S. Simon,
Et endroit moi aussi, [bon roi], le vous pardon. »[1]
« Aymon, chen dist le roi, or avez dit raison.
Moult me meffist li dus, ja ne vous mentiron,
Quant il ochist mon fix que nous tant amion. »
A icheste parole es Renaut le baron,
Aalart et Guichart, tuit li .iii. conpengnon,
Et ont mis Kallemaine l’emperere à raison.
« Sire, chen dist Renaus, qui fu li graindrez hom,
Chevalier nous feïstez, neer ne le povon.
Durement vous haon, ja ne vous cheleron,
Pour la mort au duc Buef, le sire d’Aigremon.
Quer à nous n’en feïstez pes ne acordoison. »
Kallemaines l’oï, si drecha le menton.
Adonques rougi Kalles aussi comme carbon :
« Renaut, fui toi de chi, fix à putain, garchon.
A moult petit s’en faut ne te met en prison. »
« Sire, chen dist Renaus, ne seroit pas reson.
Puisque ne l’amendez, à itant nous taison. »
L’absence dans la prose d’un passage correspondant à 11-34 rend inintelligible ce qui suit immédiatement et fait disparaître le lien si soigneusement préparé entre le Beuves d’Aigremont et les Fils Aymon proprement dits. Aymes et ses fils n’ont pas pris part à la guerre, mais, après le meurtre de Beuves, l’on a négligé de se réconcilier avec eux et Maugis. Ainsi s’expliquent et l’accueil qu’Aymes fait d’abord aux faveurs du roi et la protestation de Renaud et de ses frères. Si le père consent s’accorder avec le roi, ses fils
- ↑ 62 Manquent deux syllabes.
