Page:Castets - La Chanson des quatre fils Aymon, 1909.djvu/300

La bibliothèque libre.
Cette page a été validée par deux contributeurs.
288
les quatre fils aymon

465En apres Damedeu qui tot a à baillier.
Molt vos fait grant honor, ne le vos quier noier,
Quant il ci vos envoie son ainsné fil Loihier.
Entendes qu’il dira, soies en baut et fier ;
Se il vos dit folie, ne vos deves irier
470Envers vo droit seignor ; ne faites com lanier.
Se par non sens voles folie commencier,
Ce n’iert mie savoir, si m’aïst saint Richier.
Ton païs en verras gaster et essillier,
Et tes hommes ocirre par molt grand encombrier.[1]
475Membre vos de Doon, vo frere le guerrier,
Entre lui et Girart ki molt s’avoient chier,
Asses le guerroierent au fer et à l’acier ;
Mais à la pardefin ne porent avancier.[2]
Fuïr les en covint et le païs vuidier.
480Par l’esfors des amis les fist il repairier.
Par la proiere d’aus n’en quist autre loier.
Or revoles le roi de novel guerroier. »
Quant l’entendi li dus, prent soi à correcier.
« Dame, ce li dist Bues, ales vos ombroier
485Et par dedans vos chambres qui sunt paintes d’ormier,
M. 14Laiens o vos puceles penses de chastoier ;
Penses de soie taindre[3], ce est vostre mestier.
Li miens mestiers si est de l’espée d’acier
Et ferir et joster encontre .i. chevalier.
490Mal dahé ait la barbe à nobile princier[4]
Ki en chambre de dame vait por lui conseillier. »[5]
Atant s’en vait la dame où il n’ot qu’aïrier.

Atant s’en part la dame sens nule demorée
Et entra en la chambre qui bien fu painturée.
495Par desor .i. keuite[6] s’est la dame acoutée.
He Dex, le jor i a mainte larme plorée !

  1. 474 B C ajoutent : Tes amis, tes parents qui or se font si fier, A il fait en bataille laidement goupiller Et les plus orgueillos trenbler et fremoier.
  2. 478 B C Mes deci en la fin nel porent empirier.
  3. 487 B soie tendre. C soie tordre.
  4. 490 B C Dehait ait hui la barbe.
  5. 491 B C Qui a se gentil fame se va por conseillier.
  6. 495 B keute. C coitte.