Se je pooie prendre le conte d’Estanpois,
J’en auroie grant joie, qu’il m’a fait mains anois. »
Or ont cil des chastel entendu et oï
K’au tref l’empereor aront tornoi forni ;
Il se sunt de lor armes molt gentement garni
Et issent del chastel, n’i ot noise ne cri.
Au tref l’empereor se furent esquelli
Et quant François les voient, molt en sunt esbahi.
Aimes se vait armer qui ot le poil flori.
Quant Renaus vit son pere, molt ot le cuer mari ;
Il en a apelé à loi d’ome hardi ;
Si li dist par contraire : « Que quesistes vos ci ?
Verrai je ja la terre où nos soions gari ?
Molt nos cuidions estre eslongié et fuï ;
Moult est granz li tresors que avons conquesté.
Li queus le portera amont à sauveté,
Cil qui l’enportera, par ma crestienté,
Ara .lx. m. de fin argent pesé.
Sire, dist (corr. font) li baron, por coi aves parlé ?
Qui ja l’i portera, ja n’ait il jor santé
Tant qu’ançois soient mort .cccc. adobé.
Ja, se Deu plest le roi, ne nos ert reprové.
Mès retornons à aus, tot erent desreé ;
Se li cuers ne nos faut, tot seront vergondé.
Quant Renaus l’entendi, s’a le cheval hurté,
Une lance de sap a point enmi le pré,
Le pomel point el fier où moult a de bonté.
L’escharboucle i estoit qui valoit maint regné.
Or seignor, dist Renaus, vez me ci apresté.
S’or i vienent François, par ma crestienté,
Moult chier le comperront, ainz qu’il l’aient cobré.
Lors sont en contreval d’un tertre devalé.
Ja sera li estors, moult seront aduré.
Renaus ala devant sor Baiart le coisé,
La lance roide el poing, l’escu encantelé ;
Ou premier front devant a son pere encontre.
Quant Renaus voit son pere, moult a le cuer mari.
Les deux récits se rejoignent à ce vers 2290. Au siège de Montauban Richard enlèvera l’aigle d’or qui surmontera tente du roi. À la fin de l’épisode de la Course, l’escarboucle est l’ornement de la couronne que Renaud refuse de rendre à Charles.