Page:Castets - La Chanson des quatre fils Aymon, 1909.djvu/410

414

les quatre fils aymon

Baiars a si le vair destrain[t]^[1] et anguisié
3980K’il ne fiert ne ne mort ne ne jete [del]^[2] pié.

Reignaus, li fils Aymon, a l’escu acolé
Et tint en son poig destre le bon [branc]^[3] acéré ;
Vers le paien se trait, grant cop li a doné ;
Çou [k’ataint] de l’escu, li a [par mi coupé]^[4],
M 106 3985.c. mailles li abat del buen hauberc safré.
Li Sarrazins le voit, s’a le cuer esfreé ;
Bien set, s’autre recuevre, j’a l’ara mort jeté^[5].
Un poi se trait ariere, s’a Renaut apelé ;
« Vassaus, dones moi trieves, par la vostre bonté.
3990Venes ent avec moi, jo vos jur fe[e]uté^[6]
Que la moitié vos doins^[7] de tote m’ireté.
Asses porons conquerre, se nos sons ajosté. »
« Certes, ce dist Renaus, ja ne sera pensé,
Je sui remes au roi ki molt m’a honoré.
3995Se je ne vos i rent, il m’en sauera mau gré. »
Et dist li Sarrazins : « A vostre volenté.
Volentiers m’i rendrai, se jou ai seürté
Que jou n’i soie ocis et menés à vilté. »
« Certes, ce dist Renaus, ja ne sera pensé. »
4000S’espée li rendi au pun d’or esmeré,
Et Renaus l’a reçu, si l’a aseüré.
Puis li rent son ceval par le çanfrain doré
Et li paiens i monte par l’estrier noelé.
Ariere s’en repaire[nt]^[8] tot le cemin feré.
4005A l’avaler d’un tertre ont le roi encontré,
Le prison li rendi, dont il li sot bon gré.
Et Richars et Guichars ont grant joie mené.
Aalars vint encontre, si l’a bien acolé.

1. 3979 L destrain. A destraint et maistrié.
2. 3980 L des pié. A ne regibe du pié.
3. 3982 L prant. A branc.
4. 3984 L Çou ki tint de l’escu li a del sevré.
   ↑ 3984 A M Quanqu’ataint de l’escu a parmi tronchonné.
5. 3987 A Bien set se il recuevre, à sa fin est alés.
6. 3990 L feuté. M feeulté. A fiauté.
7. 3991 A vous don.
8. 4004 L repaire. A repairent.