Page:Castets - La Chanson des quatre fils Aymon, 1909.djvu/416

420

les quatre fils aymon

A conseil en apele un son dru^[1], Manesier ;
Cil li prist à l’oraille soef à conselier ;
M 110« [En] la moie foi, [sire], molt sui pres d’esmaier.^[2]
Ains mais si grant folie ne vos [vi]^[3] commencier,
4145Ki ces estrangea home[s]^[4], voles ci herbergier.
S’[il pueent]^[5] le castiel et lever et drecier,
N’en auera .i. si fors desi à Montpellier.
De tote vostre terre auera il le dangier. »
Quant li rois l’entendi, prist soi à embroncier ;
4150Por poi que le castiel ne lor a fait laisier.
Mais il se porpensa, si dist .i. mot molt fier,
Et apele Renaut à loi de chevalier.
« Amis, dist li rois Yus, voles ci herbergier ? »
« Oie, ce dist Renaus, à celer ne vos quier. »^[6]
4155« Or donc, ce dist li rois, penses de l’esploitier.
Se poes le castiel fremer et ostaier^[7],
Il n’auera .i. mellor desi à Monpellier.
De par tote ma terre pora avoir^[8] dangier.
Mais ce ne quit jo mie que voellies guerroier. »^[9]
4160« Sire, ce dist Renaus, si fais plais n’a mestier,
Car par ce saint apostle que querent chevalier,^[10]
Il n’en a en Gascoigne nis .i. baron tant cier,
Se il vos forfaisoit valisant .i. denier,
Que jamais eüst pais au lever n’au cocier,
4165Por tant que je peüsse mes esporons caucier,
Ne porter mon hauberc, ne monter sor destrier. »
« Ales, donc, dist li rois, faites com chevalier.^[11]
Ja nel laira[i]^[12] por home ki puist desconselier ;

1. 4141 A sien drus Menissier. Metz : suen.
2. 4143 L Ne. A En. M Par foi. L. sier. A M sire.
3. 4144 L ne vos commencier. A vous vi.
4. 4145 L home. A M hommes.
5. 4146 L Si puent. A c’il povoient.
6. 4154 L Oie. A Oil.
7. 4156 A et estaichier.
8. 4158 A porrois avoir.
9. 4159 A mie moi vueilliez.
10. 4161 A Que par saint Pol l’apostre que requierent paumier.
11. 4167 Metz : Va donc, dist li rois Ys, fai l’ovre commencier.
12. 4168 L laira. A lairai.