Page:Castets - La Chanson des quatre fils Aymon, 1909.djvu/415

419

les quatre fils aymon

De la venison fraise lor a seü bon gré.
4110Venus est à Renaut, si l’a molt acolé,
Une fois le baisa par molt grant amisté.
Cele nuit furent molt servit^[1] et honoré.
Qant vint apres mangier, si a Renaus parlé.
« Sire, ce dist Renaus, à vos avons esté.
4115Si vos avons servi à vostre volenté,
Vos ne nos aves gaires ne promis ne doné. »
« Amis, ce dist li rois, molt m’aves honoré.
Tant remandrois o moi que j’auerai esgardé
Ou castel ou manoir qui vos sera à gré. »^[2]
4120Quant Renaus l’entendi, si l’en a mercié.
« Sire, vostre merci, quant le m’auerois doné.
Certes si longe atente si m’aura trop grevé.
El regot^[3] de ces eves ai .i. liu esgardé,
Une montaigne haute, vielle d’antiquité ;
4125Se [un seul de]^[4] mes freres i avoie ostelé,
Tos jors mais en seroie à [gregnor]^[5] seürté ;
Car de molt poi de cose est on molt amendé. »
« Amis, je vos otroie par bone volonté.
.x. mars auera de rente cascun jor ajorné. »
4130« Sire, ce dist Renaus, Dex vos en sace gré, »
Le don en a reçut, le roi a mercié.
Cele nuit jut Renaust el pales segnoré.

Cele nuit jut Renaus ens el palais plenier ;
Au matin fist le roi et [lever]^[6] et caucier.
4135Bien sont en sa compaigne jusq’a .xx. chevalier ;
Lor palefrois tornerent desos .i.. pin ramier
Et passerent Gieronde à .i. batiel legier,
Traversent la montaigne et .i. grant pui plenier,
Desi qu’enson la roce ne se voldrent targier.
4140Qant li rois vint là sus, n’i ot que mervellier ;

1. 4112 L servit. A serviz. M servi.
2. 4119 A vanra à gré. M venist. Metz : venra.
3. 4123 L regot. A Ou regor de ces iauez. M Ou regort de .ii. eves. B El regot de vostre iaue.
4. 4125 L Se uns seus des. A Ce un seul de. B Se l’un de.
5. 4126 L gergnor. A plus grant. B aroie mon cuer à sauvetez.
6. 4134 L. levre. A lever et chaucier. M Au matinet se fet le roi appareillier. Metz : vestir et chaucier.