Page:Castets - La Chanson des quatre fils Aymon, 1909.djvu/557

La bibliothèque libre.
Le texte de cette page a été corrigé et est conforme au fac-similé.
529
les quatre fils aymon

8365Se là poomes traire, jo cuit que gariron.
Là prendrons [nos] l’abi[t] et moine deven[dr]on.[1]
Jo conois tant Renaut et Aallart le blont
Et Richart et Guichart et Maugi le laron,
Puis que nos serons moine, ne nos regarderon. »[2]
8370Et il li respondirent : « Vostre commant feront. »
Illuec ot une espie ki Pinax avoit non ;[3]
Et cil estot de Frise ; .xv. piés ot de lonc,[4]
Et voloit contrefaire Maugis le fort laron.
Unques li rois Yons ne dist nule raison
8375Que li glous n’escreïst dedens son caregnon.[5]
M 221De Montauben issi par le porte Foucon ;
Le bois de la Serpente traversa à bandon
Et encontra les freres à gués de Balençon ;
Relient lor navrés, departent lor prison.[6]
8380Li leres les encline les la coste d’un mont.[7]
À Monbendel en vint où fu li rois Charlon.
Rollant, le neveu Charle, en apele par non.
« Sire, çou dist Pinax, entendes ma raison.
Jo vos dirai tel cose où nos gaaigneron.
8385Li rois Yon s’enfuit à coite d’esperon,
Et sont tuit desarmé sor les cevax gascons.
Au bois de la Ser[p]ente prendront herbergison[8]
Dedens .i. abaie del cors saint Lazeron ;
Moines i a prodomes de grant religion.
8390Là prendront il l’abi[t] et moine devenront. »[9]
« Par mon cief, dist Rollans, et nos les conquerron.
Jo lor metrai devant .iiii.m. compaignon.
Ancui en vengerai Renaut, le fil Aymon.

  1. 8366 L prendrons l’abie.... devenon. M prendron nous abit.... devendron.
  2. 8369 M Ja d’eus garde n’aron.
  3. 8371 B Pinars. M Maupin. A Pinaut.
  4. 8372 L M Frise ; B France ; B .x. piés.
  5. 8375 M escrisist.
  6. 8379 Traits caractéristiques. Cf. le passage où les Français, croyant que les Fils Aymon vont se rendre, sont sur le point de se disputer les prisonniers.
  7. 8380 M eschive.
  8. 8387 L Sertente.
  9. 8390 L l’abie. M abit.