Que il voist fors de l’ost que fait li a damage.
« Sire, ce dist li dus, pres sui de cest voiage. »
Tost et isnelement monta en son aufage.
Adont parla au roi com hon de grant parage :[1]
« E ! .xii. per de France, gent de grant vasselage,
Pensez de mes enfans qui laienz sunt en gage.[2]
Je ne lor puis aidier, dont ai au cuer la rage ;
Mais or se gart li rois, foi que doi mon visage.
Se il [i] sunt ocis par nes aucun folage,[3]
S’en devoie en infer panre mon herbergage,
Li quit je si garder ainz quint jor le passage
Que le cief m’i laira, n’i metra autre gage. »
A cest mot s’en parti, si aquiut son [voiage] ;[4]
Vers France s’en repaire en son droit heritage,
Et li rois est remés environ son barnage.
Or cevalce dus Aymes, si a tenu sa [sante].[5]
Et Charles est remés [molt courcié en sa tante].[6]
Molt longement i sist, en maint liu mist s’antante,
Et quant pensé avoit, si fist ciere dolente.
As barons commanda sanz faire longe atante,
Les mangoniax abatent, [si] soient mis en sante,[7]
Que por les mangoniax où ont mis grant creante,
Sont là dedens sauvé et de vitaille [ont] rente.[8]
Por aus n’auront il mais qui vaille .i. rain de mente.
Li baron s’en alerent, le comant font al roi.
Les mangoniax abatent et mistrent à belloi,
Et Renaus fu laienz et sa gent avœc soi.
La vitaille lor faut, dont avoient esfroi.
« Dex, que ferai ? dist il, car le porquoi ne voi
Comment tenir me puisse ; mort seron, je le [croi].[9]
Ensi m’a Charles pris, com oiselet au broi.
- ↑ 13630 M Parlé a en oiant.
- ↑ 13632 L gages. M cage.
- ↑ 13635 Sic M. L. manque i.
- ↑ 13638 L voaige. A M voiage.
- ↑ 13641 L satante. M sa sente.
- ↑ 13642 D’après M. L qui forment se demente.
- ↑ 13646 L manque une syllabe. M n’i a mez bonne entente.
- ↑ 13648 Sic A. L manque. Mont eü laiens rente.
- ↑ 13655 L répète voi. M croi.
