L[e] roi a salué et envers lui s’avoie.[1]
« Amis, bien veignies tu, por le[s] Sains que l’on proie.[2]
Ses tu rien de Renaut ? Or lo di, que l’on t’oie. »
« Sire, ce dist li mes, par ceste barbe moie,
Ge lo vi à [Tremoigne], où l’en on[t] fait grant joie.[3]
Avant ier i tint cort, issi com ge venoie ;
Tant dona vair et gris et be[au]s bliaus de soie,[4]
Chevax et chieres armes, que ge m’en mervelloie.
Avec lui sunt si frere et la duchesse bloie ;
Si est li rois Yons, ge voil bien que l’en l’oie.
Tant i a pers et contes, le conte n’en diroie ;
Encontre vos s’aferme, mainte enseigne i baloie. »
Li rois ot lo message, si en ot joie et duel ;
Il jure saint Denise, jamais nus jor son vel,[5]
Ne gerra en la sale sor drap ne sor lençuel,[6]
Si iert [Tremoigne] assise et mise à mal despuel ;[7]
Ja n’i garra Renaus, ne li vaut .i. chevrel.
[Lors fet l’ost arrouter qui maine grant cembel ;][8]
Tant tindrent lor jornée[s] qu’il sunt à Montresvel,[9]
Itant pres de Tremoigne que l’en en vit l’aruel.[10]
A [Montrevel] est [Charles] logiés leiz la riviere ;[11]
Lendemain, par matin, ains que liet la poudriere,
Fist son ost aroter et devant et deriere ;
Vers Tremoigne chevauche, levée sa ban[i]ère.[12]
- ↑ 13942 L Li. M Le.
- ↑ 13943 L le. M les.
- ↑ 13946 L Cremoigne, on. M Tremoine où l’en li fist.
- ↑ 13948 L bes. M bons.
- ↑ 13955 A son vueil. M a mez nul jor son.
- ↑ 13956 Sic L. Michelant : Ne gira il en sale. M ne gerra il en sale, en coute n’en.
- ↑ 13957 L Si iert Cremoingne. Michelant : Si n’iert Tremoigne.
- ↑ 13959 Sic M sauf cabueil au lieu de cembel. L manque. A Lors s’arota li oz qui mainne grant orgueil.
- ↑ 13960 L jornée. M jornéez, Mortueil. A Montaguel. Montrevel est dans Erec et Enide, édit. Fœrster, 1339, 1881.
- ↑ 13961 L Tremoigne que l’en en vit laruel. Michelant corrige d’après M qu’ils le virent à l’uel. On peut conjecturer : l’orguel.
- ↑ 13962 L Montorgueil qui semble prouver en faveur d’orguel au v. précédent ; L l’oz. M Mortueil, Karlon. A Montagel.
- ↑ 13965 L Tremoigne... banere. M baniere.
