Quant or [le] sot Renaus à la hardie chiere,[1]
Il jure Dame Dex qui el ciel fist lumiere,
Ja n’i sera asis an icele maniere,
Que il n’i ait estor et bataille pleniere ;[2]
Mais n’espargnera Charle ne hom de sa baniere,[3]
Tant par est fol et fiers et de male maniere :
« Par la foi que vos doi ne que ge doi sain[t] Pierre,[4]
Ains que i soie asis en val ne an cost[iere],[5]
I perdra Charlemaignes de sa gent pautoniere.
Ja si nes gardera, par ceste moie chiere,
.ii. cens en aura mors et mis en [freide biere].[6]
Puis aurons plus tost pais et à mendre proiere. »
Par [là] dedens Tremoingne en est levés li cris[7]
Que Charlemaignes vient, qui tant est signoris.
Renaus fu en la tor o ses charneis amis ;
Il a soné un graille qui par aïr bondi,
Et li baron s’adobent, qui furent estormi :
Puis issent de Tremoingne, de combatre anhasti.
Renaus ala devant sor Baiart l’arrabi,
Et Richars et Guicharz et Alars delés li ;
[Renaus se regarda qui fu amanevi :][8]
Bien sunt .x.m. as armes qui tuit furent à li ;
- ↑ 13966 L se. M le vit.
- ↑ 13969 L M et. Michelant : ne.
- ↑ 13970 Michelant d’après M : N’espargnera mes.
- ↑ 13972 L sain. Michelant corrige d’après M : Par la foi que doi Dieu ne au baron. Cela change le texte sans nécessité et introduit au régime la forme Dieu quand précisément en cette partie L donne Dex.
- ↑ 13973 Sic M. L an costée.
- ↑ 13976 L frosteriere. Je conjecture freite biere. Michelant d’après M : il ocis et mis en biere. Texte de A pour ce passage :
Sire, ce dist Richars, qui fut .i. pou ariere,
Or vous oi je parler de mont bonne maniere.
Par la foi que je doi au bon baron saint Pierre,
Ains que soions assis, i feronz mainte biere ;
A plus de .iiii. cenz i feronz dez litierez,
Plus tost en ferons paiz et à mains de priere.Il est naturel que l’impétueux Richard donne son avis, mais est-ce vraiment primitif ?
- ↑ 13978 L de.
- ↑ 13986 Pris de AM. L manque. Mais amène les vers suivants.
