Page:Castets - La Chanson des quatre fils Aymon, 1909.djvu/828

La bibliothèque libre.
Le texte de cette page a été corrigé et est conforme au fac-similé.
800
les quatre fils aymon

Deci sor les sorcis est l’espée volée,[1]
Li païens chaï mors errant gole baée.[2]
15865Et Renaus fiert .i. autre, la teste a copée.[3]
Puis cria Montaubain à molt grant alenée.[4]
[Et] Maugis vint poignant, la vantaille levée ;[5]
La hante porte droite, si l’a bien aesmée,[6]
Et fiert .i. Sarrazin sor la targe roée ;[7]
15870Desoz la bocle d’or li a fraite et troée.[8]
El cors li met l’espié, l’arme s’en est alée.[9]
Maugis guerpi l’espié, si a traite l’espée,[10]
Là où il vit [la presse], si an fiert à volée,[11]
Si fiert destre et senestre, haute brace levée.[12]
15875Renaus s’en merveilla, ne pot dire pensée,[13]
Car si estoit atains de la grant consirrée.[14]
Tuit li os li paroient, n’i a cil qui ne bée.[15]

La bataille commence, venu sont li baron.
Li bons contes de Raimes vint poignant sor Vairon,[16]
15880Et fiert .i. Sarrasin sor l’escu à lion,

  1. 15863 A manque. P Par desour le sorcil... coulée.
  2. 15864 A manque. P comme L, mais ajoute : Et li ame s’en est droit en infer alée.
  3. 15865 A Puis en refiert... en a ostée. P comme L, mais ajoute : Li cors chiet la terre, l’ame s’en est alée ; A .c.m. diables soit ele commandée.
  4. 15866 A Lors escrie s’ansaigne.
  5. 15867 L manque une syllabe. A Mangis i vint poignant qui tint lance quarrée. P Et Maugis..... la ventaille fermée.
  6. 15868 A manque. P La hanste..... avisée.
  7. 15869 A targe listée. P dorée.
  8. 15870 A manque. P tote troée.
  9. 15871 A Parmi le cor li mist (sic) P li met l’espil, l’ame. P ajoute : Li cors chaï à terre, trestot sans demorée.
  10. 15872 A Mangis fiert en la presse, si a traite c’espée. P guerpist l’espil.
  11. 15873 L l’espée. A manque. P Là où vit la grant presse, si fiert à la volée.
  12. 15874 A Fiert et destre et senestre, mainte teste a copée. P A destre et à senestre fiert à brace levée.
  13. 15875 A remplace ce vers et les deux suivants par : Quant Regnaus l’a veü, grant joie en a menée. P Merveille est que Renaus n’en puet dire pancée.
  14. 15876 A manque. P Car s’il estoit atains de la gent desfaée.
  15. 15877 A manque. P Tuit li oz aperçoivent, n’i a cel.
  16. 15879 A Li gentiz quens de Ramez. P Li cuens de Rames.