Page:Castets - La Chanson des quatre fils Aymon, 1909.djvu/847

819

les quatre fils aymon

A Palerne est Renaus [arivés] el gravier.^[1]
Li rois fu en la tor [de son] palais plenier,^[2]
La nef vit bien au port, [il et si chevalier].^[3]
Ce dist Simon de Puille : « Si m’aït saint Richier,
16275En la neif a riche hom, ice poes afichier,
As chevax et as armes dont tant voi manoier. »
Ne sai dont il est nez, bien samble droit princier.^[4]
Faites metre mes seles, s’irai à lui plaidier ;^[5]
Ge lo ferai o moi, se ge puis, herbergier ;^[6]
16280Car n’istra de la vile devant .i. an entier,^[7]
Se cil sires n’en pense qui tot a à jugier. »^[8]

Simons li rois de Puille monta el palefroi,
Avec lui ne sai quanquez qu’il ama et dut foi.^[9]
Ainz ne fina d’errer que il vint [au gravoi],^[10]
16285Renaut trova à terre, avec lui plus de troi.
Simons lo conut bien, dont il n’ot pas annoi.^[11]
Renaus lo reconut au vis et au chief bloi.
Tantost s’entreconurent, si ne furent pas quoi.
Grant joie s’entrefont, remest jus el gravoi.^[12]
16290« Sire, ce dist Simons, herbergies avec moi.
De vos ai grant mestier, onques si grant n’en oi.
[Li amirals de Perse qui maine tel bofoi^[13]

1. 16271 L amès. A ariverent en lor nef ou gravier. P est Renaus arivés ou.
2. 16272 L del. A de son. P Et li rois si estoit en son.
3. 16273 L ce poes afichier. A La nef voient mont bien ariver ou gravier. P La nef voient au port il et si chevalier.
4. 16277 P mais bien semble paumier.
5. 16278 A vo celle. P Je vœil aler à lui parler et pledoier.
6. 16279 P Si le.
7. 16280 A manque. P Car bien semble haut home qui terre ait à baillier.
8. 16281 A P manque.
9. 16283 A deux vers en un : O lui .x. chevaliers qui s’en vont ou gravoi. P Et de ses homes enmena il o soi.
10. 16284 L au galoi. P Ainc ne fina tant que vint ou gravoi.
11. 16286 A si tot com il le voit.
12. 16289 A manque. P asses i a porcoi.
13. 16292 Lacune d’un vers. Je donne celui de P. A : Car l’amiraz de Perc me fait mont grant desroi.