Page:Castets - La Chanson des quatre fils Aymon, 1909.djvu/854

826

les quatre fils aymon

16430Ses nes vit depecier et tuer sa [mesnie].^[1]
Adonc tira sa barbe, durement se gramie.

[L’amiral fu dolenz, si ne set que il face.^[2]
Et crestien s’angoissent, petite fu la place^[3]
Où n’eüst mort païen qui ne muet pié ne brace.
16435De .ii.c. mil païenz qui vinrent en la place,
N’eschapa que .xx.m. qui ne gisent par trace.
En moult petitet d’eure fu cheü lor menace].
L’amirals an a duel, s’esgratine sa face.
Il fu tant correchiés qu’il ne set que il face.
16440Quique demenast duel, ne meïst sor lui trace.^[4]
[Et] Simons [à grant] joie conte Renaut ambrace,^[5]
Et Maugis son cossin par grant amor deschasce ;^[6]
Son tresor li promis[t], del tot est an lor grace.^[7]

Li baron retornerent, demorement n’i font.
16445[Lor eschec enporterent que gaaignié i ont.^[8]
Si s’en vont ou palais de Palerne amont].
.v.iii. [jors] i fu Renaus et cil qui o lui sunt,^[9]
Puis se sont departi et vers France s’en vont.
Simons les convoia [et] si lor [donna] mont,^[10]
16450Chevals et palefrois et bons destriers [en ont],^[11]
Or et argent et pailles, et de plus les semont.
Puis ont lassié Renaut, quant baissié s’entre sont.
Renaus en vint à Rome qui [est li chiés del] mont,^[12]
A l’apostoile ala, si parla à lui mont,

1. 16430 Sic A P. L lignie. Mais il ne s’agit pas de sa famille.
2. 16432-16437 Dans L lacune que je remplis à l’aide de P revu sur A.
3. 16433 A Et crestienz les angoissent.
4. 16440 A P manque.
5. 16441 Sic A P. L Simons demena joie.
6. 16442 A o le fier vasselage. P qui estoit en la place.
7. 16443 L promis. A lor promet. P lor depart, del tot est en lor brache (sic).
8. 16445-16446 Ces deux vers pris de A manquent à L P.
9. 16447 Sic A P. L manque.
10. 16449 L si lor demanda mont. A si lor donna fuison. P et se lor dona mont.
11. 16450 L niont. A et deniers et mangons. P tant que asses en ont.
12. 16453 P sic. A manque. L ellaissié l’ot mont.