il y auoit en quantité de morceaux de cuiure, comme il nous en a monſtré, lequel tombe du hault de la montaigne. Paſſant trois ou quatre lieuës plus outre, tirant à la coſte d’Arcadie, il y a vne autre mine, & vne petite riuiere qui va quelque peu dans les terres, tirant au Su, où il y a vne montaigne qui eſt d’vne peinture noire, de quoy ſe peignent les ſauuages. Puis, à quelques ſix lieuës de la ſeconde mine, en tirant à la mer enuiron vne lieuë proche de la coſte d’Arcadie, il y a vne iſle où ſe trouue vne maniere de metail qui eſt comme brun obſcur, le coupant il eſt blanc, dont anciennement ils vſoient pour leurs fleſches & couſteaux, qu’ils battaient auec des pierres ; ce qui me fait croire que ce n’eſt eſtain ny plomb, eſtant ſi dur comme il eft ; & leur ayant monſtré de l’argent, ils dirent que celuy de ladicte iſle eſt ſemblable ; lequel ils trouuent dedans la terre comme à vn pied ou deux. Ledict ſieur Preuert a donné aux ſauuages des coins & ciſeaux, & d’autres choſes neceſſaires pour tirer de ladicte mine, ce qu’ils ont promis de faire, & l’année qu’il vient d’en apporter, & le donner audict ſieur Preuert.
Ils diſent auſſi qu’à quelques cent ou 120. lieuës il y a d’autres mines, mais ils n’oſent y aller, s’il n’y a des françois parmy eux pour faire la guerre à leurs ennemis, qui les tiennent en leur poſſeſſion.
Cedict lieu où eſt la mine, qui eſt par les 44. degrez & quelques minutes[1] proche de ladicte coſte de l’Arcadie comme de cinq ou ſix lieuës, c’eſt vne
- ↑ Si la description faite par le sieur Prévert, ou plutôt par ses hommes, se rapporte au bassin des Mines, comme le comprit Champlain lui-même (voir édit. 1613, ch. III), cette latitude est beaucoup trop faible ; le bassin des Mines est tout entier au-delà du quarante-cinquième degré.