Cette page a été validée par deux contributeurs.
Tout leur pensement.
C’est fait follement
D’ainsi desirer ;
Car qui loyaument
Veulent acquester
Bon guerdonnement,
Maint mal endurer
Leur fault, et souvent
À rebours trouver
Tout leur pensement.
S’Amour humblement
Veulent honnourer,
Et soingneusement
Servir, sans faulser ;
Des biens largement
Leur fera donner ;
Mais, premierement,
Il veult esprouver
Tout leur pensement.
