Sans savoir la cause pourquoy.
Par avant nous tenoit Jeunesse
Et nourrissoit si tendrement,
En plaisir, confbrt et liesse
Et tout joyeulx esbatement ;
Or faictes vous tout autrement.
Se vous est honte, sur ma foy,
Car en douleur et maladie
Nous faictes user nostre vie,
Sans savoir la cause pourquoy.
De quoy vous sert ceste destresse
À donner sans aleigement ?
Cuidés vous pour telle rudesse
Avoir honneur aucunement ?
Nennil, certes, car vrayement
Chascun vous monstrera au doy,
Disant : la vieille rassotie
Tient touz maulx en sa compaignie.
Sans savoir la cause pourquoy.
Ce saint Martin présentement,
Qu’avocas font commencement
De plaidier les faiz de la loy,
Prenez bon conseil, je vous prie,
Ne faictes debat ne partie,
Sans savoir la cause pourquoy.
Chascun s’esbat nu mieulx mentir,
Et voulentiers je l’aprendroye,
