Page:Charles d Orléans - Poésies complètes, Flammarion, 1915.djvu/323

La bibliothèque libre.
Cette page n’a pas encore été corrigée

Qui m’a promis de retourner
En liesse mon grief martire,
Ma seule amour que tant désire.
CHANSON LXXII.
Anuy, Soussy, Soing et Merencolie,
Se vous prenez desplaisir à ma vie
Et desirez tost avancer ma mort,
Tourmentez moy de plus fort en plus fort ,
Pour en passer tout à cop vostre envye.
Ay je bien dit? Nennil , je le renye,
Et, par conseil de Bon Espoir, vous prie
Que m’espargnez ; ou vous me ferez tort,
Anuy, Soussy, Soing et Merencolie,
Se vous prenez desplaisir à ma vie ,
Et desirez tost avancer ma mort.
Et qu’esse cy? je suis en resverie.
Il semble bien que ne sçay que je dye;
Je dy puis l’un, puis l’autre, sans accort;
Suis je enchanté? veille mon cueur ou dort?
Vuidez, vuidez de moy telle folie,
Anuy, Soussy, Soing et Merencolie.
CHANSON LXXIII.
Logiez moy entre voz bras,
Et m’envoyez doulx baisier
Qui me viengne festier
D’aucun amoureux soûlas.
Tant dis que Dangier est las
Et le voyez sommeillier,