Page:Charles d Orléans - Poésies complètes, Flammarion, 1915.djvu/327

Je voys parfaire mon emprise
Et par my les rues crier:
Petit mercier, petit pannier !
CHANSON LXXIX.
Reprenez ce larron souspir
Qui s’est emblé soudainement,
Sanscongié ou commandement,
Hors de la prison de Désir.
Mesdisans l’ont ouy partir,
Dont ilz tiennent leur parlement ;
Reprenez ce larron souspir
Qui s’est emblé soudainement.
Se le meschant eust sçeu saillir
Sans noyse, tout privéement,
N’en peut chaloir ; mais sotement
L’a fait; pource, l’en fault pugnir,
Reprenez ce larron souspir.
CHANSON LXXX.
L’ostellerie de Pensée,
Plaine de venans et alans
Soussiz. soient petitz ou grans,
A chascun est habandonnée.
Elle n’est à nul refifusée
Mais preste pour tout les passans
L’ostellerie de Pensée,
Plaine de venans et alans.
Plaisance chierement amée
S’i loge souvent, mais nuisans