<poem style="margin-left:6em; font-size:100%"> Prenez les champs ou les taulbourgs , Hz sont de diverses natures, O tresdevotes créatures. CHANSON LXXXIX. Que c’est estrange compaignie De Penser joint avec Espoir! Aidier scevent et décevoir Ung cueur qui tout en eulx se fie. Il ne fault jà que je le dye , Chascun le peut en soy savoir Que c’est estrange compaignie De Penser joint avec Espoir. D’eulx me plains et ne m’en plains mye , Car mal et bien m’ont fait avoir ; Menty m’ont et aussi dit voir; Je l’aveu et si le renye Que c’est estrange compaignie. CHANSON XC. Sera el point jamais trouvée Celle qui ayme loyauté Et qui a ferme voulenté Sans avoir legiere pensée ? Il convient qu’elle soit criée, Pour en savoir la vérité : Sera el point jamais trouvée Celle qui ayme loyauté?
