<poem style="margin-left:8em; font-size:100%"> Combien que chose n’a pensée. Dont deust estre desavancée, Comme au long vous pourra gloser. Le truchemen de ma pensée Qui de long temps est commencée. Va devers vous pour exposer. Si soit par vous recompensée Et selon son cas avancée, Pour mieulx se povoir disposer; Car plus ne pourra reposer, Jusques sa joye ait prononcée, Le truchemen de ma pensé-’.
RONDEAU CXXV. Le truchemen de ma pensée, Qui est venu devers mon cueur, De par Reconfort, son seigneur, Lui a une lettre^apportée. Puis a sa créance contée, En langaige plain de doulceur, Le truchemen de ma pensée, Qui est venu devers mon cueur. Response ne lui est donnée. Pour le présent, c’est le meilleur; Il aura, par conseil greigneur, Son ambaxade despeschée. Le truchemen de ma pensée.
