<poem style="margin-left:8em; font-size:100%"> RONDEAU CXXXVII. Ne fais je bien ma besoingne? Quant mon fait cuide avancer, Je suis à recommancer, Et ne sçay comment m’esloingne. Fortune tousjours me groingne, Et ne t’ait riens que tanser; Ne fais je bien ma besoingne, Quant mon fait cuide avancer? Certes tant je la ressoingne ! Car mon temps fait despenser Trop, en ennuyeux penser, Dont en roingeant mon frain, froingne. Ne fais je bien ma besoingne ?
RONDEAU CXXXVIII. Quant commenceray à voler, Et sur elles me sentiray. En si grant aise je seray Que j’ay doubte de m’essorer. Beau Crier aura le lévrier, Chemin de Plaisant Vent tendray, Quant commenceray à voler, Et sur elles me sentiray. La mue m’a fallu garder Par long temps, plus ne le feray, Puis que doulx temps et cler verra On le me devra pardonner, Quand je commenceray à voler.
