C’est le soulier de Theramenes bon à
tous pieds : il ne reste que la suffisance de le
sçavoir contourner ; il va tousjours et de tort
et de travers, avec le mensonge comme avec
la verité. Il se donne beau jeu, et trouve raison
apparente par-tout, tesmoin que ce qui
est impie, injuste, abominable en un lieu, est
pieté, justice et honneur ailleurs ; et ne se
sçauroit nommer une loy, coustume, creance
receue ou rejettée generallement par-tout,
les mariages entre les proches, les meurtres
des enfans, des parens vieils, communication
[1]
des femmes, condamnez en un lieu, legitimes
en d’autres
[2]. Platon refusa la robe brodée
et parfumée que luy offrist Dionysius, disant
estre homme et ne se vouloir vestir en femme ;
Aristippus l’accepta, disant que l’accoustrement
ne peut corrompre un chaste courage :
Diogenes lavant ses choux, et le voyant passer,
luy dict : si tu sçavois vivre de choux, tu ne
ferois la cour à un tyran. Aristippus luy
respond : si tu sçavois vivre avec les roys, tu
ne laverois pas des choux. On preschoit Solon
de ne pleurer poinct la mort de son fils,
car c’estoient larmes inutiles et impuissantes.
C’est pour cela, dict-il, qu’elles sont plus justes,
et que j’ai raison de pleurer.
Page:Charron - De la sagesse, trois livres, tome I, 1827.djvu/179
Cette page n’a pas encore été corrigée
123
LIVRE I, CHAPITRE XV.