La femme de Socrates redoubloit son dueil de ce que
les juges le faisoient mourir injustement. Comment !
feist-il, aimerois-tu mieux que ce fust
justement ? Il n’y a aucun bien, dict un sage,
sinon celui à la perte duquel l’on est preparé :
in æquo enim est dolor amissae rei et timor amittendæ
[1]. Au rebours, dict l’autre, nous serrons
et embrassons le bien d’autant plus estroit
et avec plus d’affection, que nous le voyons
moins seur, et craignons qu’il nous soit osté.
Un philosophe cynique demandoit à Antigonus
une dragme d’argent : ce n’est pas present
de roy, respondist-il : donne-moy donc un
talent, dict le philosophe. Ce n’est pas present
pour un cynique. Quelqu’un disoit d’un
roy de Sparte fort clement et debonnaire : il
est fort bon ; car il l’est mesme aux meschans.
Comment seroit-il bon, dict l’autre, puis qu’il
n’est pas mauvais aux meschans ? Voilà comme
la raison humaine est à tous visages, un glaive
double, un baston à deux bouts, ogni medaglia ha il suo riverso
[2]. Il n’y a raison qui n’en aye une contraire, dict la plus saine et plus seure philosophie : ce qui se monstreroit par tout qui voudroit. Or ceste grande
volubilité et flexibilité vient de plusieurs causes ;
de la perpetuelle alteration et mouvement
du corps, qui jamais n’est deux fois
Page:Charron - De la sagesse, trois livres, tome I, 1827.djvu/180
Cette page n’a pas encore été corrigée
124
DE LA SAGESSE,