et de mesme façon, sauf peu plus, peu moins ; tous seroient de mesme creance : et la verité, qui n’est
jamais qu’une et uniforme, seroit embrassée
de tout le monde. Or il y a si grande diversité,
voire contrarieté d’opinions par le monde,
et n’y a chose aucune de laquelle tous
soyent generallement d’accord, pas mesme les
sçavans et les mieux nays ; qui monstre que
les choses entrent en nous par composition,
se rendent à nostre mercy et devotion, et logent
chez nous comme il nous plaist, selon
l’humeur et la trempe de nostre ame. Ce que
je crois, je ne puis faire croire à mon compagnon :
mais, qui plus est, ce que je crois aujourd’hui
si fermement, je ne puis respondre
que je le croiray encore ainsi demain ; voire
il est certain que je le trouveray et jugeray tout
autre et autrement une autre fois. Certes les
choses prennent en nous telle place, tel goust
et couleur que nous leur en donnons, et
telle qu’est la constitution interne de l’ame : omnia munda mundis, immunda immundis
[1].
Comme les accoustremens nous eschauffent,
non de leur chaleur, mais de la nostre qu’ils
conservent, comme aussi ils nourrissent la
froideur de la neige et de la glace, nous les
eschauffons premierement de nostre chaleur,
et puis en recompense ils nous conservent la
nostre.
Presque toutes les opinions que nous avons,
- ↑ « Tout paraît pur aux purs, immonde aux immondes ».