Page:Chrétien de Troyes - Roman de Perceval le Gallois - MS 248.pdf/62

Qui nestoit ne trop lons ne trop lez
Fu li mantel al col orlez
Et si ge onques fis devise
De biaute. que deust estre mise
En chief de femme ou en face
Or mestuet que une en face
Et ge ne mentirai de mot
Desliéé estoit et siot
Les chevals tels sestre poist
Que bien cuidast qui les veist
Quil fussent tuit de fin or
Tant estoient luisant et for
Le front ot blanc soef et plain
Con sil fust ovrez a main
Que a main dome ovréé fust
De cire de pierre ou de fust
Sorcilz brunez et large entroil
En la reste furent li oil
Vair et riant cler et fendu
Le nes or droit et estendu
Et moult avenoir a son vis
Li blans or le roge adevis
Con li synoples sor largent
Cors ot bien fait et bel et gent
Deus qui lavoit faite. a merveille
Honques puis ne fist lapereille
Ne devant fait nel avoit
Et quant li cheval la voit
Si la salue et ele lui
Et li cheval ambedui