Page:Chrétien de Troyes - Roman de Perceval le Gallois - MS 248.pdf/63

Et la damoisele la prent
Par la main debonairement
Et dit biau frere vostre ostels
Com tes niert pas enquenuit tels
Con a prodome covendroit
Si ge vos disoie orendroit
Tot notre covine et nostre estre
Vos cuideriez puet celestre
Que de malveistie le deisse
Porce qualer vos en feisse
Mais si vos plest or envenez
Lostel tel con il est prenez
Et deu vos doinst meillor demain
Issi len maine par la main
Jusqua une chambre celéé
Qui moult ert bele et longe et léé
Sor une coute de samit
Qui ert estendue en un lit
Se sont andui laienz assis
Cheval. vindrent ？ qua sis
Laienz oels. et si sasistrent
Devant lor dame. et mot ne distrent
Et cil del parler se tenoit
Que del chasti li sovenoit
Que li prosdom li avoit fait
Si entenoient un tel plait
Tuit li cheval. a conseil
Deus fait chescuns moult me merveil
Se cist chevals est muiaus
Grant duel seroit. car moult est biaus