a cognoistre le faulx aloy : du bon et vray. Sachez que les dernières feuilles de son œuvre plagiare ne sont correspondantes a celles du vrai original que nous avons eu de l’autheur. Lesquelles aussi, après avoir prins garde (combien que trop tard) a sa fraudulente supplantation il n’a pu recouvrer. Celluy plagiare (sic) injurieux non a moy : seullement : mais a plusieurs aultres : C’est ung Monsieur (ainsi glorieusement par soymesme surnomme) homme, tel que chascun saige le congnoist.
« Les œuvres duquel ne sont que ramas : et eschantillonnieries levees des livres daultruy : par luy confusement amoncellees, ou elles estoient bien ordonnées. Dond lesperit de Villanovanus se indigne destre de ses labeurs frustre : Nizolius en est offense : Calepin se sent desrobe : Robert Estienne cognoist les plus riches pieces de son thrésor mal desrobees : et pirement deguisees et appropriees. De lesperit duquel ne sortirent oncques compositions ou il eust honneur, ains mocquerie desdaigneuse. Lesquelles toutefois il ose enrichir, et farder de braves, et magnificques tiltres, tellement que le portal surmonte ledifice a noblir (sic) du privilege du Roy en abusant le Roy et son peuple : pour donner a entendre que les livres des bons autheurs, comme de Marot de Rabelais, et plusieurs aultres, sont de sa façon. Ne scet on pas bien que en certain livres en Chirurgie : en Practicque et aultres il a prins argent des imprimeurs et libraires pour mettre privilege du Roy ? Cela nest ce point abus digne de peine ? Mais (que plus est) qui a oncque veu ce Privilège ? a qui la il monstre ? Cartainement (sic) pour quelconque requeste oncques a homme ne losa monstrer. Parquoy il est vraysemblable : que possible le Roy lui a octroye tel privilege : qui personne nayt a vendre : ne surimprimer, les livres qu’il aura faictz sinon luy mesmes. Mais la raison ? la raison est, pour ceque gens scavans cognoissent assez quil na pas esperit : ne scavoir de mettre rien de soy en lumiere qui soit à son honneur. O la grande et haulte enterprinse : et digne de tel homme inspire
