Page:Corneille, Pierre - Œuvres, Marty-Laveaux, 1862, tome 10.djvu/242

Le texte de cette page a été corrigé et est conforme au fac-similé.

Idem.

Quis te, quis ardor magnanimos rapit,
Princeps, in ausus ; et viridi jubet
Frontem, vel invitis pruinæ
Frigoribus, redimire lauro ?

Quod numen in te fulminis arbitrum
Nutu vel uno mœnia diruit ?
Venis, repentinaque, supplex
Jura probat, domitus ruina

Burgundus ; et quod vix aliis daret
Invicta virtus curriculum integris
Implere sæclis, bis quaternis
Solibus es, Lodoïce, mensus.

Frustra parantem prælia me loqui
Urbesque victas, obruit impetus,
Cursusque inoffensus triumphi,
Spemque avidam tua gesta vincunt.

Victoris impar mens mea passibus,
Quanquam fugacis quod superest mihi
Vitæ tibi ultro consecrarim,
Attonito stupet ore cursum.

Silere turpe est ; perpetuum tamen
Silere cogis : vincere tam cito
Ni desinas, lentisque lentus
Victor agas celebranda Musis.

Rob. Riguez^[1], Soc. Jesu.

↑ Le P. Robert Riguez est l’éditeur du Velleius Paterculus, dans la collection ad usum Delplini (1676, in-4^o). On a de lui d’autres vers intitulés : Ludovico Borbonio principi Condæo, Gallici exercitus in Germania imperatori, in-folio, 2 ff.

[1] Le P. Robert Riguez est l’éditeur du Velleius Paterculus, dans la collection ad usum Delplini (1676, in-4^o). On a de lui d’autres vers intitulés : Ludovico Borbonio principi Condæo, Gallici exercitus in Germania imperatori, in-folio, 2 ff.

[1]