en latin Caletum, ou Portus Ituis, selon César, au V livre de ses Commentaires.
Ce fut le 29 jour de mai 1522, environ deux heures après midy, à Lyon, en la maison de l’Archevesque, que le Hérault d’Angleterre vint deffier mon filz, et après que en tremblant de peur en touts ses membres, il eut déclaré que son maistre estoit deveneu nostre ennemy mortel, mon filz lui repondit si fierrement, noblement, froydement, et si bien à point que tous les presens estoient glorieux et neantmoins ebahits de sa clere éloquence.
Le 7 de juing 1520, qui fut le jour de la Feste Dieu, entre six, sept et huit heures après midy, mon filz et le Roi d’Angleterre, se virent soubs la tante pres Guygnes.
Le 9 jour de juing, mon filz et le roy d’Angleterre se trouvvèrent en campagne chascun de 50 hommes et prindrent leur vin ensemble, environ cinq heures et demie apres midy.
Le 17 de juing se print le feu au logis de Monsieur d’Ornat a Ardres, euviron dix heures et demie de nuit, qui fut chose assez fascheuse, car nous estions en lieu suspect et inique.
