JE, Herault darmes du tistre de Chablays, envoyez de par Tres Hault, Tres Puyssant et Royal Prince, CHARLES EMMANUEL, par la grace de Dieu, Duc de Savoye, Roy de Chypre, Hyerusalem et Armenye, Duc de Chablays, Daoust et de Genevois Prince de Piedmond, dachaye, de la Morée, dOneille, et cœtera. Marquis ditalie, de Suze et de Saluces, Comte, Baron, et Souverain Seigneur dAst, de Geneve, de Nyce, de Tende, de Roymont, de Gex, de Vaud, de Foucigny, de Verceil, de Fribourg, et cœtera, et cœtera. Prince et Vicaire Perpetuel du Saint Empire Romain, et cœtera, et cœtera, et cœtera. Ce Jour dhui quatriesme jour de mars, an lan mil six cent deuxiesme de lincarnation nostre Seigneur, et du regne de mon Seigneur de Savoye le vingt deuxiesme, suis arrivé devant la porte Majeure et le pont du chasteau des Alymes accompagné de quatre chevaulcheurs, scavoyr deux Escuyers et deux Trompettes, et sur le pont, ayant revestu la thunique darmes aux blazons de son Altesse de Savoye, et tout a cheval, ayent à mes deux costés, dextre et senestre, les deux escuyers, la teste nue, soubtenants les rebords dicelle thunique,
