Et de fait, comme la Fortune va d’ordinaire, où elle a accoustumé d’aller, & ne veut pas perdre ses premiers bienfaits, elle veut aussi que ceux qu’elle favorise se fient en elle ; Elle veut qu’ils fassent quelques avances, & qu’ils ne luy demandent pas raison de toutes les choses qu’elle fait. Il ne faut pas estre tousjours si regulier, & si methodique : Il faut estre hardi, pour estre heureux. Mais ce ne sont pas proprement ceux, dont nous parlons aujourd’huy, qui manquent de courage, & de hardiesse. Nous verrons ces Sages timides, dans nostre premiere Conference, où j’essayeray de faire leur portrait, de memoire. Vostre Altesse me l’a ainsi ordonné : Elle veut absolument que je me souvienne de tout ce que je voulois oublier.
