de la guerre, qui le croira ? meſme dans les actions paiſibles & deſarmées : Il faut combattre, par tout, de façon ou d’autre ; Et la Doute, l’Obiection, la Raiſon contraire ne nous attaquent pas touſiours de front, ni a deſcouvert ; Elles ſont ſouuent aux aguets, & aux embuſches.
Les difficultez qui s’eſtoient cachées à noſtre eſprit, ſe preſentent ſubitement à nos yeux. Le temps fait naiſtre ſes empeſchemens ; les Hommes les leurs. Vne ſeule circonſtance change toute la nature de l’Occaſion. Apres auoir conclu, il arriuera cecy ou cela ; ni cecy ni cela n’arriue ; mais vn troiſieſme euenement, qui met la Prevoyance en deſordre, & les Coniectures en confuſion.
Le deffaut eſt dans l’eſtoffe, & non pas dans l’Entrepreneur : L’Art ſera bien entendu, & le deſſein bien conduit ; Mais les inſtrumens ſeront mauuais ; mais le marbre & le bronze ſeront gaſtez. D’ailleurs, mille accidens, ie ne ſçay quels, peuvent ſortir de, ie ne ſçay où. Il peut venir des malheurs du
