A l’issue de la messe et avant que de partir dudit lieu sera baillé le billet des absents ou marianctz[1], au principal ou à celuy qui présidera, par le nomenclateur.
Et de là s’en yront les dits escolliers desjeuner, à l’issue duquel les dits pensionnaires réciteront leurs leçons au maître de chambre soubz la charge duquel ilz seront commis.
A sept heures trois quarts sonnera le premier coup de la leçon, et le second à huict heures, pour entrer au mesme instant en classe, tant par les escolliers que régens, et seront en classe jusques à dix heures.
A dix heures sonnera le premier coup pour sortir de classe, lequel sonné les escolliers disputteront chacun en sa classe, et rendront leurs thêmes, jusques au dernier coup, qui sonnera à la demy-heure suyvante que les dits enffants, yront disner.
A l’issue duquel, qui sera à unze heures et demie, yront les dits enffans à grâces, qui seront chantées, à haulte voix à
- ↑ Le mot est douteux. Marance, marancia souvent employé pour défaut.
