Le texte de cette page a été corrigé et est conforme au fac-similé.
Ma joye en vous, chose est deüe[1]
De vous amer, c’est doulz mestier
Ou l’on apprent a accointier
Tout honneur ; si suis pourveüe
D’ami loial, au mien cuidier.
Qui de moy fait tout mal vuidier.
S’en lo Amour par qui eüe
Ay vostre amour et qui meüe
M’a a l’amer encommencier.
Et puis qu’Amours nous a joins
Ensemble et conjoins,[2]
Soient noz soins,
Et près et loings,
Amis, de loiaument
Nous entr’amer et tous besoins
Et tous amers poins,
Se sommes poins
De durs poins,[3]
Nous porterons doulcement[4]
Et vivrons joyeusement[5]
Et très liement
Gaiement
Car nous serons enoins
De doulz espoir qui fermement[6]
Et très purement[7]
Finement
Nous soustendra a ses poins.
