Le texte de cette page a été corrigé et est conforme au fac-similé.
XLVIII
Comme surpris
Et entrepris
De vostre amour,
Je me rens pris
En vo pourpris,
Dame d’onnour.
Si ne mespris
Quant j’entrepris
Si haulte honneur[1]
Comme surpris.
Mais en despris
Ne m’ait le pris
De vo valour ;
Car j’ay apris
Les biens compris
En vo douiçour
Comme surpris.
XLIX
Vous en pourriez exillier
Un millier
Des amans par vo doulz oeil,
Plains d’esveil,[2]