Le texte de cette page a été corrigé et est conforme au fac-similé.
Et, ainçois que soiez vieulx,
Faites vous tant renommer
Qu’on vous puist partout nommer
Bon, vaillant, et en tous lieux
Bel et doulz et gracieux.
LXIV[1]
Pour quoi m’avez vous ce fait.
Trés bel, ou n’a que redire ?
Et si sçavez mon martire
N’oncques ne vous fis meffait.
Et parti estes de fait,
Sanz moy daigner a Dieu dire ;
Pour quoy m’avez vous ce fait ?
Au dieu d’amours du tort fait
Me plaindray disant : Dieux Sire,
Ami m’avez fait eslire.
Dont me vient si dur effait,
Pour quoy m’avez vous ce fait ?
LXV
Ainsi me dure
Ne puis durer.
Je muir d’ardure,
S’ainsi me dure.
- ↑ LXIV. — Omis dans B