Le texte de cette page a été corrigé et est conforme au fac-similé.
JEUX À VENDRE
1
Je vous vens la passe rose.
— Belle, dire ne vous ose
Comment Amours vers vous me tire,
Si l’apercevez tout sanz dire.
2
Je vous vens la fueille tremblant.
— Maint faulx amans, par leur semblant,
Font grant mençonge sembler voire,
Si ne doit on mie tout croire.
3
Je vous vens la paternostre.
— Vous sçavez bien que je suis vostre.
Ne oncques a autre ne fus,
Si ne faittes de moy reffus,
