tions qui comprennent l’énumération des compositions poétiques de Christine de Pisan et nous serons heureux d’en offrir la primeur dans l’un des volumes suivants. Nous donnons dès à présent la Dédicace à la reine Isabelle :
Très excellent, de grant haultesse
Couronnée, poissant princesse,
Tre’s noble roÿne de France,
Le corps enclin vers vous m’adresce
En saluant par grant humblece ;
Pry Dieu qu’il vous tiengne en souffrance
Lonc temps vive, et après l’oultrance
De la mort vous doint la richece
De Paradis, qui point ne cesse,
Et au monde sanz decevrance
Paix, joye et toute recouvrance
De quanqu’il affiert a leece.
Haulte dame, en qui sont tous biens.
Et ma tre’s souvraine, je viens
Vers vous, comme vo créature,
Pour ce livre cy que je tiens
Vous présenter, ou il n’a riens,
En histoire n’en escripture,
Que n’aye en ma pensée pure
Pris ou stile que je détiens
Du seul sentement que retiens
Des dons de Dieu et de nature,
Quoy que mainte aultre créature
En ait plus en fait et maintiens.
Et sont ou volume compris
Plusieurs livres es quieulx j’ay pris
A parler en maintes manières
