Le texte de cette page a été corrigé et est conforme au fac-similé.
AUTRES BALADES
CI COMMENCENT PLUSEURS BALADES DE DIVERS PROPOS
I
Assez acquiert trésor et seigneurie,
Trés noble avoir et grant richece amasse,
Qui par bonté, qui nul temps n’est perie,
Acquiert honneur, bon renom, loz et grace.[1]
Car ou monde n’est chose qui ne passe
Fors que bienfait, tout ne vault une miche[2]
Autre trésor ne chose que l’en brace ;
Car qui est bon doit estre appelle riche.
Et bonté faitte est haultement merie.[3]
Car Dieu le rend, et qui le bien porchace[4]
Acquiert honnour, soit en chevalerie
Ou aultre estât, qui des bons suit la trace.