Page:De Scudery - Alaric, ou Rome vaincue, 1654.djvu/301

Et trente nefs de front voguent esgalement,
Et sarpent vers le bord, et viste, et fierement.
De tous les deux costez la guerriere harmonie,
Excite de nouveau la vaillante manie :
Et le vaisseau du roy vient le pavillon haut,
Comme meilleur voilier, le premier à l’assaut.
Ce prince est sur la proüe avec une rondache,
Armé d’un casque d’or, où flote un grand panache :
Faisant briller aux yeux des Espagnols confus,
Le redoutable fer dont il les a vaincus.
Le pied gauche avancé ; la main droite eslevée ;
Cette main que l’Espagne a trop bien esprouvée ;
Ramez, ramez (dit-il, dans son noble transport)
Et donnons de la proüe au milieu de ce port.
Il le dit ; on le fait ; mais avant qu’il aproche,
Il combat à couvert sous les traits qu’on décoche :
Et de tous ses vaisseaux opposant traits à traits,
Il en couvre à son tour les bataillons espais.
Ces trente nefs de front à travers ce nuage,
A force de ramer se font un grand passage :
Et donnant dans le port toutes en mesme temps,
Attachent main à main tous ces fiers combatans.
Ceux-cy veulent sauter vers ces troupes pressées,
Mais on baisse contre eux cent piques herissées :
Les uns meurent debout, mortellement percez ;
Les autres sans blessure en tombent renversez ;
L’un s’eslance à demy ; l’autre encor se consulte ;
A tous momens s’accroist l’effroyable tumulte ;