Mais les danses des Sorciers violentes rendent les hommes furieux, and font auorter les femmes: comme on peut dire que la volte, que les Sorciers ont amené d'Italie en France, outre les mouuemens insolens, and impudiques, à cela de malheur, que vne infinité d'homicides and auortemens en aduiennent. Qui est vne chose des plus considerables en la republique, and qu'on deuroit deffendre le plus rigoureusement. Quant à la fureur, on voit euidemment, que tous les hommes furieux, and forcenez vsent de telles danses, and sauts violens: Et n'y a moyen plus expedient pour les guerir, que de les faire danser posement, and en cadence pesante, comme on faict en Allemaigne aux insensez qui sont frappez de la maladie qu'on dict de sainct Vitus, and Modestus. Alphonse de Castro liure premier chapitre quinsiesme aducrsus hæreses escrit qu'il fut trouué par les confessiõs des Sorcieresdu pays de Biscaye, qui est fort infecté de sorciers, comme tous pays de montagnes, il fut trouué que les Sorciers and Sorcieres s'assemblerent à la mõtagne, où se presenta vn bouc noir qu'ils adorerent. Pour la fin de ce chapitre ie mettray la conclusion de la dispute resolue deuant l'Empereur Sigismond, que Vlrich le Monnier, a escrit en vn petit liure, qu'il a faict sur ce poinct, où il fust arresté par infinis exemples and iugcmens, que Sathan transportoit les Sorciers veritablement en corps, and en ame. Aussi seroit-ce se mocquer de l'histoire Euangelique de reuocquer en doute si le Diable transporte les Sorciers d'vn lieu en l'autre: puis qu'il est dict en l'Euangile que Sathã Page 247
trãsporta Iesus-Christ sur le sommet
